كيف ينحسب سعر الأثاث المستعمل؟
4 دقائق قراءة
ليش كنبتين بنفس الشكل ياخذون سعرين مختلفين؟ نشرح لك وش نشوف وقت التقييم.
الخامة قبل الشكل
أول شي نشوفه هو الخشب والإسفنج والقماش. الكنب اللي هيكله خشب صلب وإسفنجه ثقيل يعيش سنين، وقيمته في السوق أعلى من الكنب الخفيف حتى لو كان أحدث.
النظافة والبقع
البقع البسيطة تنشال، لكن التمزق والحروق وريحة الدخان تأثر على السعر. نصيحتنا: نظّف الأثاث قبل التصوير، والفرق يبان مباشرة.
الطقم الكامل أغلى
الطقم الكامل (كنب + كراسي + طاولات) أسهل في البيع من القطع المتفرقة، عشان كذا سعره الإجمالي يكون أفضل من مجموع القطع لو بعتها لحالها.
الفك والتركيب
غرف النوم والدواليب تحتاج فك وتركيب. إذا عندك الكتالوج أو البراغي الأصلية، احتفظ فيها — تسهّل الشغل وتحافظ على القطع.